حسبي الله ونعم الوكيل!!

ليله كئيبه

ماقدرت اقعد فيها حتى على حيلي من القهر الي فيني

اطوف بداري اكثر الليل وانا اتحسب عليه

الي ما يخاف ربي

ثالث سنه بالكليه

غير كورسات الصيفي الي كانت تاخذهم

واهي تبي تقدم لاختبار يوم السبت

تتفاجأ بان اسمها مو موجود بكشف الاسماء الي يجي من العماده للطلبه المقيدين

راجعت العماده

لقت انه زوجها ابو ولدينها الي عمرهم اشهر

والي تزوج عليها من شهر بعد ماحرق قلبها

تزوج وحده يقول انه كان يحبها من قبل والحين مايقدر يعيش من غيرها

والي رافعه عليه قضيه طلاق مطنش حتى جلساتها

حرق قلبها

والحين دمر مستقبلها

سحب اوراقها من الجامعه سحب نهائي

ياب لها الانهيار العصبي

ياعل كل خلايا جسمه الانهيار

الي حتى ابوه تبرأ منه بعد هالي سواه

ويقول اذا بتقتلونه انا اولكم

لما راحوا له يكلمونه او بالاحرى يورونه شغل الله لان مثله مايفيد واياه الكلام

حصلوه مسافر وايا زوجته ايطاليا

لعب بحياة البنيه ومسافر مع عروسه ايطاليا

حسبي الله ونعم الوكيل فيه

حسبي الله ونعم الوكيل فيه

حسبي الله ونعم الوكيل فيه

يا حرقة قليبي على حبيَبتي

مايكفي فقدت ابوها ويدها واخوها بسنتين

يطلع لها هالنذل

والله مايبرد كبدي فيه غير حكم اعدام مثل تؤامه في انعدام الانسانيه صدام

حسبي الله ونعم الوكيل

تبيني ادعي لها

انا مو قادره غير اتحسب عليه

قاعده اغلي من الي سواه

ياعالم هذا شنو

بشر مثلنا

عنده احساس؟

يا قلبي يا (.......)ا

ولا اكبر شهادات الدنيا تساوي دمعة وحده من عيونج

لا تحاتين مستقبلج

مستقبلج ماهو بشهاده ولا وظيفه ولا معاش

مستقبلج بايد رب العالمين

الي ما يضيع احد

(حسبي الله ونعم الوكيل )

مافيه غيره بيرد لج حقج من الي ظلمج

ادعوا لها معاي

واذا حد يعرفه يوصل له

( ياويلك من الله يا ظالم .. دمرت مستقبل البنيه ..وين بتروح من ربي؟!؟)